Raja kodok blusukan

     

      Zaman bengen ning bangsa satoan, ana sawiji cerita. Waktu samono sing dadi raja satoan yaiku raja kodok. Sawiji dina, Raja kodok blusukan ning kampung-kampung. Ning dalan raja kodok ketemu satoan kiyong. Katon pisan mendi-mendi kiyong nggawa umahe. Raja kodok kaget.

     "Hey, Kiyong. Kenangapa sira nggawa nggawa umah ? manda abote bae. Kenangapa umah bli ditinggal bae ?" takone raja kodok.

     Kiyong rada kaget ditakoni raja kodok. Rada gemeter, kiyong njawab, "Ampun, Gusti. Kula kuh nggawa nggawa umah, yongan kula wedi."

     "Wedi kenangapa? Wedi ning sapa?" jare raja kodok penasaran.

     Akire kiyong kepaksa ngejawab, "kula kuh wedi ning satoan kunang. Mendi-mendi kunang kuh nggawa geni. Kula wedi, kula watir yen umah dibakar ning kunang. Dadi ya umah tak gawa-gawa bae mendi gah.

     Raja kodok kaget ana jawaban mengkonon, Pikire, kunang kih pancen bisa gawe bahaya warga satoan. Kudu diolati sekiyen. Raja kodok mangkat maning golati kunang. Wayah bengrep, dilalahe ning prapatan dalan, raja kodok ketemu kunang. Bener bae mendi-mendi kunang nggawa geni.

     "Hey kunang!, Mandega dikit!, jare raja kodok  santer ngomonge.

     Kunang kaget diomong raja satoan. "Ampun Gusti, kula salah apa ?" jare kunang.

     Raja kodok ngomong maning,, "ora, sira ora salah. Mung pengen tak takoni, kenangapa sira nggawa-gawa geni bae? weru beli, akeh satoan pada wedi? sekiyen kiyong mendi-mendi nggawa umah, watir umahe di bakar sira."

    Kunang nambah gemeter, terus njawab, "Ampun, ampun raja. Kula nggawa geni kuh dudu arep mbakar umahe kiyong. gelem busung! Kula kuh watir kena jala utawa jaring sing sering dipasang Laba-laba utawa Manggarante ning endi-endi.

     Raja kodok kaget maning. Pikire, waaahhh....... Manggarate kih gawe rusuh bae. Kudu digoleti kih. Raja kodok akhire lunga maning, bengi kuwen langsung nggoleti, pengen ketemu langsung Manggarante.

     Bener bae ning pojok karang, Manggarante lagi glantungan ning jala sing bisa nyrimped satoan sejen liwat. Hey manggarante! raja kodok nyapa rada santer.

     Manggarante kaget krungu suwara santer, sing nyatane suara raja satoan. Langsung bae Manggarante mudun, njaluk ampura. "Ampun gusti, Wonten punapa gusti nyapa kula sampe kulane kaget," jare manggarante.



bersambung ................