NGIMPI KETEMU MACAN
Ana crita zaman bengen. Ana wong adol gentong, mider ning desa-desa. Gentong loro dipikul, Gentong iku wadah banyu sing digawe lemah sing dibakar, warnane abang. Wong adol gentong mider nawakaken gentong, manjing desa metu desa, manjing kampung metu kampung, manjing gang metu gang.
Gentong loro durung payuh bae, jagat wis kebengien, ahire deweke pegel pengen ngaso dikit, ning baladesa utawa lebu, deweke liren. Mata krasa ngantuk, kebeneran ning lebu iku ana tempat kang kanggo glelengan ning sor. Tukang gentong izin ning kemit, kemit ngizini tukang gentong nginep ning lebu.
Tukang gentong nggelar sarung kanggo tempat deweke turu, gentong loro di taroh ning sebelah deweke turu, kerna kepegelen sidan mider mider kampung, tuang gentong langsung bae turu lali.
Rupane ning sejerone turu, tukang gentong ngimpi, ngimpine ketemu macan. Macan kaget ketemu tukang gentong. Tukang gentong pada bae kaget ketemu macan, ahire macan siap-siap arep nyamber tukang gentong, tukang gentong siap siap deweke gage bae ngemet pikulan kanggo mentung macan.
Rupane, dudu bae ngimpi sing dilakoni tukang gentong, deweke gah nglindur, cangkeme melu ngomong ngaum ngaum siap ngadepi macan, senajan matane masih merem, tukang getogn tangi langsung bae pikulan sing ana ning iringan di emet.
Deweke ngrasa macan arep nyerang, pikulan di ayunaken ning macan. Kena ! Prang !!!! suwarane.
Rupane dudu macan sing ana ning arepan deweke. nyatane gentong sing warnane abang! pecah berantakan!
Tukang gentong ngrasa macan kena sabetan pikulan, tapi deweke ngrasa macan bebalik arep nyerang maning. Pikulan diayunaken maning ning macan, kena maning , suarane Prang !!!!
Rupane gentong kena maning, pecah brantakan.
Tukang gentong kaget. Nembe sadar, matane kebuka amba, ning adepan deweke gentong loro pecah kabeh, dudu macan sing kena tapi gentong loro pecah kabeh berantakan.
Macan mung ana ning ngimpi, sing nyatane di pukul dudu macan, tapi gentong sing sukiki ared di adol mider, tukang gentong kaget, ngejubleg bae ora percaya.
Rupane pa kemit lapor ning Pa kuwu, ana cerita tukang gentong ngimpi ketemu macan, Pa Kuwu ngrasa melas, tukang gentong dipai duit seregane gentong loro. Tukang gentong ngucapaken kesuwun pisan ning Pa Kuwu.
Komentar
Posting Komentar